Talabalar innovatsion ko‘rgazmada ishtirok etdi

O‘zbekiston xalqaro islom akademiyasi “Zamonaviy axborot-kommunikatsiya texnologiyalari” kafedrasi mudiri Qurbon Raxmonov va tyutor Maqsud Palvanovlar “Axborot xavfsizligini boshqarish” yoʻnalishi talabalari bilan birgalikda poytaxtimizdagi OʻzEkspoMarkazda oʻtkazilayotgan “InnoWeek.Uz-2024” xalqaro innovatsion gʻoyalar haftaligi koʻrgazmasida ishtirok etishdi.

Mazkur sayohat Akademiya talabalarining olayotgan bilimlarini amaliy ahamiyati mohiyatini targʻib qilish, axborot texnologiyalari yangiliklari bilan yaqindan tanishtirish va soha mutaxassislari bilan bevosita muloqotini tashkil etish maqsadida uyushtirildi.

Oliy taʼlim, fan va innovatsiyalar vazirligi tashabbusi bilan tashkil etilgan mazkur ko‘rgazmada talabalar soha mutaxassislari bilan boʻlgan muloqotda oʻzlarini qiziqtirgan savollariga javob olishdi.