Akademiya vakili tomonidan psixologik trening o‘tkazildi

Oliy taʼlim, fan va innovatsiyalar vazirligi tashabbusi bilan Oʻzbekiston milliy universiteti talaba-qizlari uchun psixologik trening o‘tkazildi. 

22-noyabr Xalqaro psixologlar kuni munosabati bilan tashkil etilgan “Baxt formulasi” nomli mazkur treningda 60 dan ortiq talaba-qizlar qatnashdi.

Treningda O‘zbekiston xalqaro islom akademiyasi “O‘zbek va xorijiy tillar” kafedrasi dotsenti, filologiya fanlari nomzodi Nargiza Shoaliyeva mavzuga oid savollarga javob berdi.

Ushbu psixologik haftalik xotin-qizlarning psixologik salomatligini muhofaza qilish, ularning barqaror ijtimoiy va intellektual rivojlanishini taʼminlash, ijtimoiy reabilitatsiya qilish, turli xil zoʻravonlik koʻrinishlarining oldini olish, oʻz joniga qasd qilish holatlarini barvaqt aniqlash va ularga ijtimoiy-psixologik yordam koʻrsatib bartaraf qilish maqsad qilingan. 

Tadbirda boshqa OTMlarning soha mutaxassislari ham qatnashdilar.