Saxovat – eng go‘zal amal

O‘zbekiston xalqaro islom akademiyasi tyutorlari tomonidan Shayxontoxur tumani “Shayxontoxur” MFY xududida yashovchi keksalar Ochil Muxammadiyev, Staliya Qosimova hamda Ravshan Kosimovlarning xonadoniga tashrif buyurishdi. 

Mazkur tashrif Oʻzbekiston Respublikasi Prezidentining 2022-yil 15-martdagi “Nuroniylarni har tomonlama qoʻllab-quvvatlash, ularning turmush darajasini oshirishga doir qoʻshimcha chora-tadbirlar toʻgʻrisidagi”gi qarori ijrosini ta’minlash, oʻzgalarning parvarishiga muhtoj boʻlgan yolgʻiz keksalar va yolgʻiz yashaydigan keksalarni maʼnaviy-ruhiy hamda psixologik qoʻllab-quvvatlash maqsadida tashkil etildi.

Suhbat chogʻida keksalar Oʻzbekiston xalqaro islom akademiyasi ustozlari tomonidan nuroniylarga berilayotgan eʼtibordan, yolgʻiz keksalar qarovsiz qolmayotganidan, tashrifdan xursandligini aytib, oʻz minnatdorchiliklarini bildirishdi.