Akademiyada “Zakovat” intellektual o‘yinlarining yangi mavsumi boshlandi

Xabaringiz bor, O‘zbekiston xalqaro islom akademiyasida “Zakovat” intellektual o‘yinlarini o‘tkazish muntazamlik kasb etgan. 

Bugun ham “Zakovat” intellektual o‘yinlarining joriy yilgi mavsumining ochilish bahslari o‘tkazildi.

Yoshlar bilan ishlash, ma’naviyat va ma’rifat bo‘limi hamda Yoshlar ittifoqi Akademiya Boshlang‘ich tashkiloti tomonidan tashkil etilgan bilim bellashuvida so‘zga chiqqanlar tomonidan keyingi yillarda “Zakovat” intellektual o‘yini aholi, ayniqsa, yoshlar orasida tobora ommalashib borayotgani e’tirof etildi.

Darhaqiqat, davlatimiz rahbari tomonidan 2022-yilning 20-yanvarida “Zakovat” intellektual o‘yinini aholi o‘rtasida ommaviy-ma’rifiy harakatga aylantirish va boshqa intellektual o‘yinlarni rivojlantirishga oid chora-tadbirlar to‘g‘risida”gi qarori imzolangan edi.

Mazkur qaror asosida aholi, ayniqsa, yoshlar oʻrtasida intellektual oʻyinlarga qiziqish tobora ortib bormoqda. 

Akademiyada o‘tkazilgan “Zakovat” intellektual o‘yinlarining ilk turida talaba-yoshlar faol ishtirok etishdi.