Kitob – inson maʼnaviyati koʻzgusi!

Yosh avlodning maʼnaviy intellektual salohiyati, ong-u tafakkuri va dunyoqarashini yuksaltirishda, ona Vatanga muhabbat va sadoqat tuygʻusi bilan yashaydigan barkamol shaxsni tarbiyalashda kitobning oʻrni beqiyosdir. Prezidentimizning yoshlar maʼnaviyatini yuksaltirish va ularning boʻsh vaqtlarini mazmunli tashkil etish boʻyicha besh muhim tashabbusining toʻrtinchi tashabbusi “Yoshlar maʼnaviyatini yuksaltirish, ular oʻrtasida kitobxonlikni keng targʻib qilish” boʻyicha tizimli ishlar amalga oshirib kelinmoqda.

Shu maqsadda bugun O‘zbekiston xalqaro islom akademiyasida O‘zbekiston Yozuvchilar uyushmasi a’zosi, shoira Ma’mura Zohidova ishtirokida ijodiy uchrashuv o‘tkazildi.

Davra suhbatida Akademiya prorektori Ilyos Mirziyotov, Yoshlar bilan ishlash, ma’naviyat va ma’rifat bo‘limi boshlig‘i Rahmatulla Gaipnazarov, professor-o‘qituvchilari va talabalar ishtirok etdilar.

Tadbirda talabalar bilan kitob va uning inson ma’naviy kamolotidagi o‘rni haqida suhbat qurildi. Suhbat davomida ijodkor talabalar yig‘ilganlarga ijod namunalaridan taqdim etdilar.