Akademiya talabalar teatr studiyasi tomonidan dolzarb mavzudagi spektakl namoyish etildi

O‘zbekiston xalqaro islom akademiyasida “Najot – taʼlimda, najot – tarbiyada, najot – bilimda” shiori ostida “Mustaqillik darslari” doirasida talabalar teatr studiyasi tomonidan dramaturg Nasrullo Qobilning “To‘da” asari asosida “Adashganlar” spektakli taqdim etildi.

Mazkur spektakl talaba-yoshlarni san’atga muhabbat ruhida tarbiyalash va ma’naviy kamolotga yo‘naltirish, iqtidorli yoshlarga o‘z imkoniyatlarini yuzaga chiqarish uchun sharoit yaratish maqsadida tashkil etildi.

Asar maktab va kollej oʻquvchilarining notinch va noqobil oila muhiti tufayli ayrim toʻdalarga qoʻshilib asr vabosi boʻlgan giyohvandlikka roʻju qoʻyishgani, giyohvandlik balosi esa oxir-oqibatda fojiali yakun topishi haqida hikoya qiladi.

Spektakl yig‘ilganlarda katta taassurot qoldirdi. Ayniqsa, talabalar tomonidan mahorat bilan ijro etilgan har bir rol tengdoshlarining olqishlariga sazovor bo‘ldi.

Spektakl namoyishidan so‘ng Yoshlar ittifoqi Boshlang‘ich tashkiloti a’zolari bilan uchrashuv o‘tkazildi.

Unda Tashkilotning faol yoshlari talabalarga Ittifoq loyihalari haqida ma’lumot berib, a’zo bo‘lish tartib-qoidalarini tushuntirishdi.

O‘zbekiston xalqaro islom akademiyasi

Matbuot xizmati