BAAning “Hidoya” markazi rahbari Akademiya vakillariga ma’ruza qildi

Bugun Oʻzbekiston xalqaro islom akademiyasida “Hidoya” zoʻravonlik ekstremizmga qarshi kurashish boʻyicha xalqaro markazi raisi Ali Nuaimiy janoblarining professor-oʻqituvchilar va tadqiqotchilari uchun ma’ruzasi tashkiletildi.

Mazkur tadbirda Oʻzbekiston Respublikasi Din ishlari boʻyicha qoʻmitasi raisining birinchi oʻrinbosari Davronbek Maxsudov, Akademiya prorektorlari – Ilyos Mirziyotov, Zohidjon Islomov, Zokirjon Roʻziyev, rektor maslahatchisi O‘tkir Hasanboyev, Xalqaro hamkorlik boʻlimi boshligʻi Bahodir Xoʻjayev ishtirok etdi.

Uchrashuv avvalida Zohidjon Islomov mehmonni Akademiyaga yana bir bor tashrifidan mamnunligini bildirib, oliygohning professor-oʻqituvchilariga Ali Nuaimiyni tanishtirdi.

Ali Nuaimiy oʻz maʼruzasini hozirgi vaqtda dinni notoʻgʻri talqin qilish va undan turli siyosiy maqsadlarda foydalanish koʻpayib borayotganidan boshladi. Jumladan, Ali Nuaimiy libos kiyish masalasiga toʻxtaldi:

– Hozir insonlar islom arablarniki deb oʻylab, ularga oʻxshashga intilmoqdalar. Aslida esa, din inson yashab turgan jamiyati, yurti va mintaqasiga qarab toʻgʻri talqin qilinishi kerak. Masalan, hijob arab mamlakatlarida qora rangda, Janubiy-sharqiy Osiyo xususan, Malayziya, Indoneziya, Tailand kabi davlatlarda gulli hijoblar urfdir. Shu bois, fatvo chiqarish ham muayyan mintaqa nuqtaiy nazaridan kelib chiqib yondashishi kerak.

Maʼruzachi ekstremizm mavzusiga toʻxtalib, din nomidan qon toʻkish, zoʻravonlik qilishga chakiruvchilar uchrayotganini, bu islom dinining notoʻgʻri talqin qilinishiga olib borishini qayd etdi. 

Ali Nuaimiy yoshlar orasida tarbiyaviy ishlar olib borish zarurati haqida gapirib, islom rahmat, tinchlik va osoyishtalik dini, ammo baʼzi internet tarmoqlari orqali yoshlarni notoʻgʻri yoʻllarga targʻib etish holatlari uchrayetgani, bu esa ekstremizmga yoʻl ochishini qayd etdi. 

Tadbir davomidaIslomshunoslik fakulteti dekani JahongirTohirov “Hidoya” markazida radikalizm va ekstremizmga qarshi kurashish uchun qanday usullardan foydalanishi bilan qiziqdi. Mehmon bunga javoban, bu dasturlar markazga taalluqli emas emas, balki xalqaro darajadagi dasturlar ekanini qayd etdi.

Davra suhbati Akademiya professor-oʻqituvchilari tomonidan ijobiy qabul qilindi.