Akademik litsey o‘quvchisi kurash sport turida 1-o‘rinni egalladi

Respublika ixtisoslashtirilgan olimpiya zaxiralari maktab-internatida sportning milliy kurash boʻyicha “Barkamol avlod-2023” sport o‘yinlarining Toshkent shahar bosqichi oʻtkazildi. 

Mazkur bellashuvda Oʻzbekiston xalqaro islom akademiyasi akademik litseyi 2-bosqich oʻquvchisi Muxlisa Rustamova ham o‘z vazn toifasida muvaffaqiyatli ishtirok etib, faxrli 1-oʻrinni qoʻlga kiritdi.

Mazkur yutuq bilan Akademiya rahbariyati va jamoasi Akademik litsey o‘quvchisini muborakbod etib, uning kelgusidagi o‘qish va ishlariga muvaffaqiyat tilaydi.