Delegatsiya a’zolari Malayziya xalqaro islom universitetining kutubxonasi va muzey faoliyati bilan tanishdi

Oʻzbekiston xalqaro islom akademiyasi delegatsiyasi Malayziya xalqaro islom universiteti (IIUM)ga tashrif buyurdi.

Tashrif avvalida Akademiya delegatsiyasiga universitet boʻylab tanishtiruv ekskursiyasi tashkil etildi. Jumladan, universitet galeriyasi va kutubxonasi tanishtirildi.

Universitetda 13 fakultet, 10 ilmiy tadqiqot instituti faoliyat yuritadi. Shuningdek, universitet dunyo universitetlari reytingida 711-oʻrinni egallab turibdi. Oliygohda ayni vaqtda 30 ming nafar talaba tahsil oladi.