9-fevral arafasida barcha masjidlarda Navoiy haqiga Qurʼon xatm qilinib, duo oʻqiladi

Bu haqda Oliy Majlis Qonunchilik palatasi Spikeri oʻrinbosari Alisher Qodirov maʼlum qildi.

«Bu yil ulugʻ shoir Alisher Navoiy tavalludining 580-yilligi arafasida masjidlarda Navoiy haqiga qurʼon xatm qilinib, duo oʻqiladi.

Prezident huzurida oʻtgan yigʻilishda taniqli adabiyotshunos Shuhrat Rizayev tomonidan: “Hazratni bobomiz deymiz. Lekin, ul zotning farzandi boʻlmagan. Biz oʻgʻillik, farzandlik qilib, bu yil masjidlarda maʼnaviy padarimizning ruhi pokiga xatmi qurʼon oʻqilishiga ruxsat bersak...” deya taklif kiritildi.

Taklif qabul qilindi. Oʻzbekiston tarixida ilk bor Hazrat Navoiy tugʻilgan sana islomiy anʼanalarga muvofiq boshlanadi» deb yozadi A.Qodirov.