Talabalar o‘rtasida “Bilimdon dinshunos” intellektual tanlovi o‘tkazildi

O‘zbekiston xalqaro islom akademiyasida “Bilimdon dinshunos” intellektual tanlovi bo‘lib o‘tdi. Tadbirda Ilmiy ishlar va innovatsiyalar bo‘yicha prorektor Zohidjon Islomov, Yoshlar masalalari va ma’naviy-ma’rifiy ishlar bo‘yicha birinchi prorektor Mirilyos Mirziyotov, kafedra professor-o‘qituvchilari hamda talabalar ishtirok etdi.

“Dinshunoslik va jahon dinlarini qiyosiy o‘rganish UNESCO” kafedrasi tomonidan tashkil etilgan tadbirda jami 13 ta guruh o‘z bilimlarini sinovdan o‘tkazishdi. Tanlov blits savol-javob, dunyo dinlariga oid tarixiy voqealar sharhi, ijodiy ish taqdimoti hamda Quizizz platformasida test shartlaridan iborat bo‘ldi.

Tanlov yakunida 3-o‘rinni “Furqon” jamoasi qo‘lga kiritgan bo‘lsa, 2-o‘ringa “Beruniy izdoshlari” jamoasi sazovor bo‘ldi. G‘oliblik esa “Dinshunoslik” yo‘nalishi 3-bosqich talabalarining “Lords” jamoasiga nasib etdi. 

G‘olib va sovrindorlar taqdirlandi.

O‘zbekiston xalqaro islom akademiyasi 

Matbuot xizmati