Xalqaro konferensiyaning navbatdagi sho‘ba yigʻilishi boshlandi

“Markaziy Osiyo - Islom san’ati o‘chog‘i” nomli Forumi doirasida o‘tkazilayotgan “Qadimiy yozma manbalarni saqlash va tadqiq etish tizimini takomillashtirish masalalari” mavzusidagi xalqaro konferensiyaning II shoʻba yig‘ilishi Samarqanddagi “Ipak yo‘li” turizm va madaniy meros xalqaro universitetida ish boshladi.

“Nodir manbalarni konservatsiya va restavratsiya qilish, reyestr tuzish va raqamlashtirish masalalari” mavzusida boshlangan shoʻba yig‘ilishida O‘zbekiston, Qozog‘iston, Tojikiston, Qirg‘iziston va Misr davlatlaridan 50 nafarga yaqin olim va mutaxassislar ishtirok etishmoqda.

Xalqaro konferensiyaning bugungi yig‘ilishida 20 dan ortiq ilmiy ma’ruzalar tinglanadi.