352

Akademiya “Zakovat” intellektual o‘yinlarining final bosqichi yakunlandi

2021-yil oktabr oyida Akademiya rektori tomonidan “O‘zbekiston xalqaro islom akademiyasida “Oltin davrim” shiori ostida talabalar oyligi doirasida o‘tkaziladigan tadbirlar reja-dasturi” tasdiqlandi va “Zakovat” turniriga start berildi. 

2021-yilning noyabr-dekabr hamda 2022-yilning yanvar-may oylari davomida haftaning har shanba kunlari muntazam ravishda “Zakovat” o‘yinlari tashkil etildi. Shuningdek, “14-yanvar Vatan himoyachilari kuni”, “8-mart Xalqaro xotin-qizlar kuni”, “Navro‘z bayrami”, Sohibqiron Amir Temur tavalludi va “9-may Xotira va qadrlash kuni” munosabati bilan “Zakovat” turnirining bayram sonlari o‘tkazildi.

Bugungi kungacha o‘tkazilgan 18 ta tur o‘yinlarida jami 15 tadan 28 tagacha bo‘lgan jamoalar g‘oliblik uchun bellashdilar. 

2022-yil 16-iyun kuni “Zakovat” intellektual o‘yinlarining final bosqichi o‘tkazildi. Unga ko‘ra, 1-o‘rin – “Masters” jamoasi 5 million so‘m, 2-o‘rin –“Pragmatik” jamoasi 3 million so‘m hamda 3-o‘rin – “Alif” jamoasi 2 million so‘m pul mukofoti hamda esdalik sovg‘alar bilan taqdirlandi.


O‘zbekiston xalqaro islom akademiyasi

Matbuot xizmati

Izoh qoldirish