Nurislom Tuxliyev tavalludi munosabati bilan tabrik yo‘llandi

O‘zbekiston Respublikasi Prezidentining jamoat va diniy tashkilotlar bilan hamkorlik masalalari bo‘yicha maslahatchisi, O‘zbekiston xalqaro islom akademiyasi rektori Muzaffar Komilov O‘zbekiston Respublikasi Prezidenti Administratsiyasi rahbariyati tomonidan Nurislom Tuxliyev tavalludining 75 yilligi munosabati bilan yo‘llangan tabrikni o‘qib eshittirdi.

Unda olimning yarim asrdan ko‘proq faoliyatini ona Vatan taraqqiyotiga safarbar etgani, yurtimiz taraqqiyotiga hissa qo‘shayotgan yuzlab shogirdlar tayyorlagani ta’kidlandi. Ilm-fan rivoji yo‘lidagi ezgu ishlariga yutuq va zafarlar yor bo‘lishi alohida e’tirof etildi.

Fursatdan foydalanib, Akademiya jamoasi jonkuyar ustoz, yetuk olim Nurislom Tuxliyevning qutlug‘ 75 yoshi bilan muborakbod etadi. Ularga tan sihatlik, oilaviy xotirjamlik tilab qoladi.

O‘zbekiston xalqaro islom akademiyasi
Matbuot xizmati