“Islom iqtisodiyotida savdo va tadbirkorlik” kitobi nashr etildi

E’LON

O‘zbekiston xalqaro islom akademiyasi professori, iqtisod fanlari doktori Ravshan Abdullayev muallifligida “Islom iqtisodiyotida savdo va tadbirkorlik” kitobi nashr etildi. Oliy ta’lim muassasalariga darslik sifatida tavsiya etilgan ushbu kitob islom iqtisodiyoti, xususan, halol tijorat va sherikchilikka bag‘ishlangan bo'lib, nafaqat iqtisod yo‘nalishidagi talabalarga, balki keng kitobxonlar auditoriyasiga mo‘ljallangan. Kitobda insonlarning hayotida ko‘p uchraydigan savdo-sotiq, ribo, qarz, sherikchilik, ijara kabi masalalarga alohida e’tibor berilgan.

Kitob Akademiya Axborot-resurs markaziga ham taqdim etilgan bo‘lib, talabalar undan qo‘llanma sifatida foydalanishlari mumkin. 

O‘zbekiston xalqaro islom akademiyasi

Matbuot xizmati