Sog‘lom turmush tarzi – salomatlik garovi

O‘zbekiston xalqaro islom akademiyasida Islomshunoslik fakulteti tomonidan “Sog‘lom turmush tarzini yo‘lga qo‘yish” mavzusida davra suhbati bo‘lib o‘tdi.

Tadbirda fakultet professor-o‘qituvchilari, tyutorlari, talaba qizlari qatnashdi. Sog‘lom turmush tarziga qaratilgan ilmiy-ma’rifiy suhbatni Sog‘liqni saqlash vazirligining yetakchi mutaxassisi X.Inag‘omova o‘z ma’ruzasi bilan olib bordi.

Davra suhbatida inson salomatligini asrash, uning barkamol va komil kishi bo‘lib shakllanishida amal qilinadigan muhim jihatlar, taklif, tavsiyalar berildi. Tadbir yakuni ishtirokchilarning mavzu bo‘yicha berilgan qiziqarli savol-javoblariga ulanib ketdi.

O‘zbekiston xalqaro islom akademiyasi

Matbuot xizmati