Akademiya doktorantlari tomonidan trening tashkil etildi

O‘zbekiston davlat jahon tillari universitetida talaba-yoshlar o‘rtasida ma’naviy-axloqiy tarbiya ishlarining o‘ziga xos jihatlarini qamrab olgan “Yoshlar tarbiyasining nozik jihatlari” mavzusida seminar-trening o‘tkazildi.

O‘zbekiston xalqaro islom akademiyasi doktorantlari tomonidan tashkil etilgan seminarda universitet xotin-qizlari masalalari bo‘yicha dekan maslahatchilari hamda tyutorlar ishtirok etdi.

Uchrashuvda tazyiq va zo‘ravonlikdan jabr ko‘rgan, o‘z joniga suiqasd qilgan yoki o‘z joniga qasd qilishga moyilligi bo‘lgan xotin-qizlarga anonim tarzda shoshilinch tibbiy, psixologik, ijtimoiy, pedagogik, huquqiy va boshqa yordam ko‘rsatish, og‘ir ijtimoiy ahvolda qolgan, oilaviy muammolarga duch kelgan xotin-qizlar huquqlarining kafolatlarini ta’minlash masalasi haqida so‘z bordi.

Seminar yakunida ishtirokchilar o‘zlarini qiziqtirgan savollar bilan murojaat qilishdi.

O‘zbekiston xalqaro islom akademiyasi

Matbuot xizmati