Din ishlari bo‘yicha qo‘mita raisiga birinchi o‘rinbosar tayinlandi

Maxsudov Davronbek Rustamovich Vazirlar Mahkamasi huzuridagi Din ishlari bo‘yicha qo‘mita raisining birinchi o‘rinbosari etib tayinlandi. 

Maxsudov Davronbek Rustamovich 2004-2012-yillarda O‘zbekiston Respublikasi Prezidenti devoni xodimi, 2012-2018-yillarda Toshkent islom universiteti ilmiy kotibi, magistratura bo‘limi boshligi, “Islomshunoslik” kafedrasi mudiri, 2018-2020-yillarda esa O‘zbekiston xalqaro islom akademiyasi “Islomshunoslik va islom sivilizatsiyasini o‘rganish ISESCO” kafedrasi mudiri sifatida ishlagan.

Hozirgi vaqtga qadar O‘zbekiston xalqaro islom akademiyasi Diniy-ma’rifiy faoliyatni muvofiqlashtirish bo‘yicha birinchi prorektori va Imom Moturidiy xalqaro ilmiy-tadqiqot markazi direktori sifatida faoliyat yuritib kelayotgan edi.

O‘zbekiston xalqaro islom akademiyasi

Matbuot xizmati