Bruney-Darussalam Hukumati O‘zbekiston fuqarolariga grantlar tanlovini e’lon qildi

Bruney-Darussalam Hukumati 2022-2023-o‘quv yilida O‘zbekiston fuqarolariga quyidagi universitetlarda bakalavr va magistratura bosqichida tahsil olish uchun grantlar tanlovini e’lon qildi.

– Bruney-Darussalam universiteti;

– Sulton Sharif Ali nomidagi islom universiteti;

– Bruney texnologiya universiteti;

– Bruney politexnika universiteti;

– Diniy o‘qituvchilarni tayyorlaydigan universitet kolleji.

Mazkur ta’lim granti o‘qish, yashash, ovqatlanish, xalqaro aviachiptalar va o‘quv materiallari bilan bog‘liq bo‘lgan xarajatlarni hamda tibbiy sug‘urta va oylik stipendiyani o‘z ichiga oladi. 

Grant doirasida tahsil olish 2022-yil iyul-avgust oylarida boshlanadi.

Hujjatlarni topshirishning muddati 2022-yil 15-fevral hisoblanadi.

Tanlovda ishtirok etishni istovchilar O‘zbekiston xalqaro islom akademiyasi Xalqaro hamkorlik bo‘limiga murojaat etishlari mumkin.