Talaba-qizlar ishtirokidagi davra suhbati mazmunli o‘tdi

O‘zbekiston xalqaro islom akademiyasida “Biz sizni eshitamiz” rukni ostida “Baxtli bo‘lish sirlari” mavzusida onlayn davra suhbati bo‘lib o‘tdi.

ZOOM platformasi orqali o‘tkazilgan uchrashuvda O‘zbekiston xalqaro islom akademiyasi Xotin-qizlar bilan ishlash sektori rahbari Laylo Saidova, Akademiya psixologi Gulruh Gʻaniyeva, Yoshlar bilan ishlash ma’naviyat va ma’rifat bo‘limi boshlig‘i Muallam Zufarova, tyutorlar hamda talaba-qizlar ishtirok etdi.

Tadbirda Akademiya psixologi Gulruh Gʻaniyeva, Xotin-qizlar bilan ishlash sektori rahbari Laylo Saidova so‘zga chiqib, o‘z fikr-mulohazalari bilan o‘rtoqlashishdi. Talabalar bilan birgalikda “Baxtli bo‘lish formulasi” shakllantirildi.