Professor-o‘qituvchilar uchun o‘quv mashg‘ulotlari yakunlandi

O‘zbekiston xalqaro islomshunoslik akademiyasida professor-o‘qituvchilar uchun 2025/2026-o‘quv yili qishki ta’til kunlariga mo‘ljallangan o‘quv mashg‘ulotlari o‘tkazildi.

Mazkur darslar Oliy ta’lim, fan va innovatsiyalar vazirligining “Barcha oliy, o‘rta maxsus va kasbiy ta’lim tashkilotlari talabalari va o‘quvchilarining qishki ta’til davrini mazmunli o‘tkazish hamda professor-o‘qituvchilar uchun seminarlar tashkil etish to‘g‘risida”gi buyrug‘i ijrosini ta’minlash doirasida tashkil etildi.

Bugungi darslarda Din ishlari bo‘yicha qo‘mita bosh mutaxassisi J.Aliyev tomonidan “Ilmiy va o‘quv adabiyotlarida diniy mazmundagi materiallardan foydalanish tartibi” hamda Toshkent shahar Statistika boshqarmasi mutaxassisi G.Mamarasulova tomonidan “O‘zbekiston xalqaro islomshunoslik akademiyasida aholi va qishloq xo‘jaligini ro‘yxatga olishni tashkil etish va o‘tkazish bo‘yicha” mavzusidagi ma’ruzalar olib borildi.

Seminar davomida mavzular doirasida ma’lumot berildi. 

Shuningdek, kuzgi semester yakuniy nazoratlariga tayyorgarlik, me’yoriy-uslubiy hujjatlar bilan ishlash bo‘yicha mustaqil ta’lim darslari ham bo‘lib o‘tdi.