O‘quv mashg‘ulotlari davom etmoqda

Xabaringiz bor, O‘zbekiston xalqaro islomshunoslik akademiyasida professor-o‘qituvchilar uchun 2025/2026-o‘quv yili qishki ta’til kunlariga mo‘ljallangan o‘quv mashg‘ulotlari davom etmoqda.

Mazkur darslar Oliy ta’lim, fan va innovatsiyalar vazirligining “Barcha oliy, o‘rta maxsus va kasbiy ta’lim tashkilotlari talabalari va o‘quvchilarining qishki ta’til davrini mazmunli o‘tkazish hamda professor-o‘qituvchilar uchun seminarlar tashkil etish to‘g‘risida”gi buyrug‘i ijrosini ta’minlash doirasida o‘tkazilmoqda.

Bugungi darslar Ta’lim sifatini nazorat qilish bo‘limi boshlig‘i Ilhom Berdiyorovning “Oliy ta’lim muassasalarini akkreditatsiyadan o‘tkazish: milliy va xalqaro akkreditatsiya tartiblari” hamda “Islom tarixi va manbashunosligi IRCICA” kafedrasi Feruza Mahmasobirovaning “Xalqaro akademik tajriba va oliy ta’limda professor-o‘qituvchilar malakasini oshirish (Fransiya misolida)” mavzusidagi ma’ruzalar bilan davom etdi.

Seminar davomida mavzular doirasida ma’lumot berildi. 

Shuningdek, kuzgi semester yakuniy nazoratlariga tayyorgarlik, me’yoriy-uslubiy hujjatlar bilan ishlash bo‘yicha mustaqil ta’lim darslari ham bo‘lib o‘tdi.

O‘quv mashg‘ulotlari davom etmoqda.