Sport – sog‘lom hayot garovi

Keyingi yillarda mamlakatimizda aholi orasida ommaviy sportni rivojlantirish, sog‘lom turmush tarzini targ‘ib qilish, sport bilan shug‘ullanishlari uchun keng imkoniyatlar yaratib berishga alohida e’tibor qaratilmoqda.

Bugun O‘zbekiston xalqaro islomshunoslik akademiyasida O‘zbekiston Respublikasi Davlat madhiyasi qabul qilinganligining 33 yilligiga bag‘ishlab sport musobaqasi o‘tkazildi.

Unda professor-o‘qituvchilar hamda xodimlar faol ishtirok etib, sportning voleybol, stol tennisi, shaxmat va shashka turlari bo‘yicha bellashishdi. 

Mazkur bellashuvlar Akademiyada sog‘lom turmush tarzini targ‘ib qilish, jamoa o‘rtasida sportni yanada ommalashtirish hamda do‘stona muhitni shakllantirish maqsadida tashkil etildi.

Yakunda g‘olib va sovrindorlar aniqlandi.