Akademiya boshlang‘ich tashkilotining Kengaytirilgan yig'ilishi o‘tkazildi

O‘zbekiston xalqaro islom akademiyasida Akademiya boshlang‘ich tashkiloti koordinatorlari, guruh sardorlari va faol talabalar ishtirokida yig‘ilish bo‘lib o‘tdi.

Mazkur tadbirda rektor maslahatchi O‘tkir Hasanboyev, Akademiya profilaktika katta inspektori Muhriddin Xikmatov, Islomshunoslik fakulteti dekani Jahongir Tohirov hamda tyutorlar ishtirok etdi. 

Akademiya yetakchisi Abduvahob To‘xtanazarov tashkilot faoliyati, yo‘nalishlar hamda fakultet koordinatorlari tashabbuslari haqida ma’lumot berib o‘tdi.

Yig‘ilish davomida Boshlang‘ich tashkilot qoshidagi klublar, loyihalar va to‘garaklar faoliyati tahlil qilindi. Yangi loyiha va tashabbuslarni qo‘llab-quvvatlash, ularni tizimli ravishda shakllantirish masalalari yoritildi. 

Shuningdek, rektor maslahatchisi O‘tkir Hasanboyev so'z olib, Akademiyadagi ijtimoiy muhitni sog'lomlashtirish, talabalarni har tomonlama faollikka chaqirishda koordinatorlarning o'rni katta ekanligi, ular har tomonlama tengdoshlariga o'rnak bo'lishi kerakligini ta'kidladi. 

Akademiya profilaktika katta inspektori Muhriddin Xikmatov talabalar o'rtasida huquqbuzarliklar va jinoyatchilikni oldini olish, turli shakldagi ma'muriy huquqbuzarlikka yo'l qo'yilmasligi masalalsida Boshlang'ich tashkilot koordinatorlarining yordami zarurligi, bu yo'nalishda hamkorlik qilishni taklif etdi. 

Koordinatorlar so‘zga chiqib, o'z tashabbuslari haqida ma’lumot berishdi. Taklif va tavsiyalari tinglandi.