Akademiyada islom ilmlari yo‘nalishidagi loyihalar bo‘yicha muhokama o‘tkazildi

O‘zbekiston xalqaro islom akademiyasida Birinchi Renessans davri bo‘limi islom ilmlari yo‘nalishidagi loyihalar bo‘yicha muhokama bo‘lib o‘tdi. 

Muhokamani loyihaning muvofiqlashtiruvchi kengash koordinatori, professor Zohidjon Islomov olib bordi. Loyihalar nafaqat O‘zbekiston xalqaro islom akademiyasi doirasida, balki FA Tarix instituti, FA Sharqshunoslik instituti hamda Samarqand, Buxoro, Farg‘ona viloyatlari hokimliklari bilan hamkorlikda amalga oshirilishi kelishib olindi. 

Ko‘rib chiqilgan loyihalar asosan olimlar faoliyati va asarlari bilan bog‘liq. Jumladan, yurtimizda yetishib chiqqan olimlar ziyoratgohlari va ularning eng nodir asarlari hamda dunyoga mashhur qo‘lozma manbalarini faksimile nusxalari va mulyajlarini tayyorlash, mazkur allomalar haqida roliklar va qisqa metrajli hujjatli filmlar tayyorlash bosh maqsad qilib qo‘yildi.