Doktoranturaga kirish imtihonlari yakunlandi

Xabaringiz bor, mazkur hafta davomida O‘zbekiston xalqaro islom akademiyasida oliy ta’limdan keyingi ta’lim shaklining tayanch doktorantura, maqsadli tayanch doktorantura, stajyor-tadqiqotchilik va mustaqil izlanuvchanlik institutining tegishli ixtisosliklari bo‘yicha kirish imtihonlari o‘tkazildi.

Bu yilgi imtihonlarda talabgorlar “Din psixologiyasi”, “Mumtoz sharq adabiyoti va manbashunosligi”, “Islom tarixi va manbashunosligi”, “Dinshunoslik”, “Qur’onshunoslik, Hadisshunoslik”, “Fiqh, kalom ilmi, Ilohiyot” ixtisosliklari bo‘yicha o‘z bilimlarini sinovdan o‘tkazishdi.

Talabgorlar mazkur ixtisosliklar bo‘yicha ilmiy faoliyat olib borish maqsadida belgilangan taqvim reja asosida ixtisoslik fanlaridan imtihon topshirishdi.

Kirish imtihonlari va suhbatlarda talabgorlarning hujjat topshirgan ixtisosliklari bo‘yicha bilim darajasi, zamonaviy muammolarni tahlil etish va yechim taqdim qilish bo‘yicha ilmiy salohiyati sinovdan o‘tkazildi.

O‘zbekiston xalqaro islom akademiyasi

Matbuot xizmati