Akademiya professori “Do‘stlik” ordeni bilan taqdirlandi

Bugun “O‘zbekiston Respublikasi mustaqilligining o‘ttiz ikki yilligi munosabati bilan fan, ta’lim, sog‘liqni saqlash, adabiyot, madaniyat, san’at sohalari va ommaviy axborot vositalari xodimlaridan bir guruhini mukofotlash to‘g‘risida” O‘zbekiston Respublikasi Prezidentining Farmoni e’lon qilindi.

Vatanimiz mustaqilligini mustahkamlash, Yangi O‘zbekistonni barpo etish yo‘lida amalga oshirilayotgan islohotlarga qo‘shgan munosib hissasi, ilmiy-amaliy faoliyati bilan xalqimiz ma’naviyatini yuksaltirish, yoshlarimizni ona yurtga muhabbat va sadoqat, umuminsoniy qadriyatlarga hurmat ruhida tarbiyalash yo‘lidagi ulkan xizmatlari uchun bir guruh faol yurtdoshlarimiz faxriy unvonlar bilan mukofotlandi.

Quvonarlisi, O‘zbekiston xalqaro islom akademiyasi “Islom tarixi va manbashunosligi” kafedrasi professori, taniqli sharqshunos olim Saidakbar Agzamxo‘jayev ham “Do‘stlik” ordeni bilan taqdirlandi.

Fursatdan foydalanib, O‘zbekiston xalqaro islom akademiyasi jamoasi hamda talabalari ustozni mazkur qutlug‘ unvon bilan taqdirlaydi. U kishiga uzoq umr, oilaviy totuvlik, mustahkam sog‘liq, ilmiy barkamollik, shogirdlar ardog‘ida bo‘lib yurishlarini tilab qoladi. 

O‘zbekiston xalqaro islom akademiyasi 

Matbuot xizmati