“Buyuk kelajagimizni bunyodkori bo‘lgan yoshlarni tarbiyalaymiz” mavzusida davra suhbati tashkil etildi

O‘zbekiston xalqaro islom akademiyasida Akademiya rahbariyati, Tyutorlar, fakultetlar dekan o‘rinbosarlari ishtirokida “Mas’uliyatli kasb egalarimiz” shiori ostida “Buyuk kelajagimizni bunyodkori bo‘lgan yoshlarni tarbiyalaymiz” mavzusida davra suhbati o‘tkazildi.

Tadbirda Akademiya Ilmiy va innovatsiyalar bo‘yicha prorektori, professor Z.Islomov davra suhbati ishtirokchilariga Prezidentimiz Shavkat Mirziyoyev asarlari hamda Q.Rafiqovning “Mening Prezidentim” nomli kitobida bildirilgan Vatanga sadoqat, yurt kelajagiga daxldorlik va yoshlar uchun imkoniyatlarga oid fikr mulohazalarni o‘rganishga bag‘ishlangan ma’lumot va fikrlarni bildirdi.

Shuningdek, yurtimizda so‘nggi yillarda amalga oshirilgan islohotlar, barcha sohalarda erishilgan yutuqlar yuqorida nomi keltirilgan kitobda aks ettirilgani va buni keng jamoatchilikka yetkazish muhim ekani ta’kidlandi. Bu jarayonda guruh Tyutorlari, ustoz-murabbiylar yoshlarga yetkazishda faol bo‘lishi muhim ekani aytildi.

O‘zbekiston xalqaro islom akademiyasi

Matbuot xizmati