Malaka oshirish o‘quvlarida ma’naviy-ma’rifiylar tadbirlar tashkil etildi

Avval xabar berganimizdek, O‘zbekiston xalqaro islom akademiyasi huzuridagi Malaka oshirish markazida O‘zbekiston Respublikasi Mudofaa vazirligi qo‘mondonlik tarkibi ofitserlari uchun “Yot g‘oyalarga qarshi immunitetni mustahkamlashning ma’naviy-ma’rifiy asoslari” yo‘nalishida malaka oshirish o‘quvlari davom etmoqda. 

Dars mashg‘ulotlaridan so‘ng tinglovchilarning bo‘sh vaqtlarini samarali o‘tkazish maqsadida ma’naviy-ma’rifiy tadbirlar rejasi ishlab chiqilgan. Mazkur tadbirlar rejasiga muvofiq, tinglovchilar uchun poytaxtimizdagi “Hazrati imom” majmuasiga sayohat tashkil etildi. U yerda “Qaffol Shoshiy” maqbarasi, “Baroqxon”, “Mo‘yi muborak” madrasasi, “Tilla shayx” va “Namozgoh” masjidlarini ziyorat qilishdi. Shuningdek, tinglovchilar O‘zbekistondagi islom sivilizatsiyasi markazining qurilish ishlari hamda Imom Buxoriy nomidagi Toshkent islom instituti tarixi va faoliyati bilan ham yaqindan tanishib chiqishdi.

Malaka oshirish o‘quvlari davom etmoqda.