Qabul parametrlarining tillar kesimidagi taqsimoti tasdiqlandi

#Qabul_2022!

2022-2023-o‘quv yili uchun maqsadli qabul parametrlari va qabul parametrlarining tillar kesimidagi taqsimoti Davlat test markazining my.dtm.uz saytiga joylashtirildi.

Endilikda abituriyentlar my.dtm.uz saytining “Oliy ta’lim muassasalarining bakalavriatiga qabul” bo‘limi orqali fanlar majmuasi va ketma-ketligi bir xil bo‘lgan beshtagacha bakalavriat ta’lim yo‘nalishini tanlashlari mumkin.

Abituriyentlarni onlayn ro‘yxatga olish joriy yilning 20-iyuliga qadar (20-iyul kuni ham) davom etadi. Kasbiy (ijodiy) imtihon o‘tkaziladigan bakalavriat ta’lim yo‘nalishlariga ro‘yxatga olish esa 10-iyulga qadar (10-iyul kuni ham) amalga oshiriladi.

O‘zbekiston xalqaro islom akademiyasining Islomshunoslik va Dinshunoslik ta’lim yo‘nalishlariga qabul admission.iiau.uz platformasida amalga oshiriladi. Boshqa barcha ta’lim yo‘nalishlariga esa my.dtm.uz hamda my.gov.uz saytlari orqali Akademiya ta’lim yo‘nalishlarini tanlashingiz mumkin bo‘ladi!

Mazkur muddat davomida abituriyentlar o‘z ma’lumotlarini o‘zgartirishlari hamda chet tilidan milliy yoki xalqaro sertifikatga ega bo‘ladigan bo‘lsa, sertifikat ma’lumotlarini tizimga kiritishlari mumkin.

O‘zbekiston xalqaro islom akademiyasi

Qabul komissiyasi