Buxoroda “Deklaratsiyalar muloqoti” forumi boshlandi

Tadbirda ilmiy-amaliy seminarlar sarhisob qilinib, e’tiqod erkinligi va dinlararo muloqotni ta’minlash masalalari bo‘yicha fikr almashiladi.

Kelgusidagi hamkorlik istiqbollari belgilanadi. 
 

Tadbir doirasida shuningdek, diniy bag‘rikenglik, e’tiqod erkinligi g‘oyalarini xalqaro darajada qaror toptirish maqsadida 2016 – 2020-yillarda qabul qilingan Marokash, Makka, Jakarta, Potomak, Punto-del-Esteda deklaratsiyalarining taqdimoti o‘tkaziladi. 

Ularning mazmun-mohiyati muhokama qilinadi.

Forum yakuni bo‘yicha “Buxoro deklaratsiyasi” qabul qilinib, O‘zbekiston tajribasidan kelib chiqib jahon hamjamiyati bilan dunyoda ma’rifat va diniy bag‘rikenglik tamoyillarini qaror toptirish, shuningdek, turli dinlar o‘rtasidagi muloqotni kuchaytirishga alohida e’tibor qaratiladi.
 

Zarif Komilov, 
Tohirjon Istatov (surat), O‘zA