Akademiya magistrantining ilk kitobi nashr etildi

O‘zbekiston xalqaro islom akademiyasi magistranti Ibrohim Nigʻmatullayev tomonidan yozilgan “Xristian konfessiyalarida diniy rutbalar iyerarxiyasi” nomli risola nashr etildi. Shu munosabat bilan kuni kecha Axborot-resurs markazida ushbu kitobning taqdimoti o‘tkazildi. Unda o‘qituvchilar hamda talabalar ishtirok etdi. 

Mazkur risolaning muallifi O‘zbekiston xalqaro islom akademiyasi Magistratura bo‘limi “Qiyosiy dinshunoslik” mutaxassisligi 1-kurs magistranti Nigʻmatullayev Ibrohim hisoblanadi.

“Xristian konfessiyalarida diniy rutbalar iyerarxiyasi” nomli risolada xristianlik dini taʼlimoti, diniy rutbalar iyerarxiyasi va ularning qiyosiy tahlili boʻyicha maʼlumotlar keltirilgan. Kitob mazkur sohaga qiziquvchilar, oliy oʻquv yurtlari tizimi “Dinshunoslik” yo‘nalishi talabalari, “Qiyosiy dinshunoslik” mutaxassisligi magistrantlari va mutaxassislar uchun moʻljallangan boʻlib, undan “Dinshunoslik”, “Dinshunoslikka kirish”, “Dunyo dinlari tarixi”, “Qiyosiy dinshunoslik”, “Dinlardagi oqimlar va sektalar”, “Dinshunoslik va dunyo dinlari tarixini oʻqitish metodikasi”, “Diniy anʼana va marosimlar”, “Diniy anʼana va marosimlarni qiyosiy tadqiq etish metodologiyasi” kabi fanlarni oʻqitishda foydalanish mumkin.

Risola Oʻzbekiston Respublikasi Vazirlar Mahkamasi huzuridagi Din ishlari boʻyicha qoʻmitaning 2022-yil 8-fevraldagi 02-04/771-sonli xulosasi asosida tayyorlangan.

O‘zbekiston xalqaro islom akademiyasi

Matbuot xizmati