Onlayn seminar mazmunli o‘tdi

O‘zbekiston xalqaro islom akademiyasida “O‘zbek tili va mumtoz sharq adabiyoti” kafedrasi tomonidan Al-Farobiy nomidagi Qozog‘iston milliy universiteti professori, tarix fanlari doktori Laura Yerekesheva bilan hamkorlikda onlayn ilmiy seminar o‘tkazildi. 

“Конструирование знания о “Другом”: Запад и Восток в историческом контексте” (“Boshqa” haqidagi bilimlarni qurish: G‘arb va Sharq tarixiy kontekstda) mavzusida ZOOM platformasi orqali tashkil etilgan tadbirda Akademiya professor-o‘qituvchilari hamda magistrlari ishtirok etdi. 

Seminarda Laura Yerekesheva mintaqalarda ilmning vujudga kelishi, g‘arb va sharqda ilmning o‘zaro almashinuvi haqida so‘z yuritdi. Shuningdek, ilk kitobatlar, yozma meroslar haqida batafsil to‘xtalib, ularning mazmuni, mohiyatini bayon etdi. Davra suhbatida Akademiya professor-o‘qituvchilari tomonidan berilgan savollarga ma’ruzachi atroflicha javob berdi.

Tadbir yakunida bu kabi seminarlarni muntazam o‘tkazishga kelishib olishdi.

O‘zbekiston xalqaro islom akademiyasi

Matbuot xizmati