Trening mashg‘ulotlari yuqori kayfiyatda o‘tkazildi

O‘zbekiston xalqaro islom akademiyasida talabalarning bo‘sh vaqtlarini mazmunli tashkil etish maqsadida trening mashg‘uloti bo‘lib o‘tdi.

Akademiya psixologi Gulruh Gʻaniyeva hamda “Yosh psixologlar klubi” tomonidan tomonidan tashkil etilgan tadbirda o‘qituvchilar, xodimlar hamda talabalar faol ishtirok etdi. 

Qiziqarli tadbirda talabalarga turli psixologik o‘yinlar, zamonaviy metodlar orqali treningdagi mavzular va ularning mazmuni haqida batafsil ma’lumot berildi.

Trening talabalar o‘zlarining psixologik xususiyatlarini bilishi, potensial imkoniyatlari, ichki qo‘rquv va hayajonni yengish, jamoa bilan ishlash ko‘nikmasini shakllantirish kabi xususiyatlarini rivojlantirish uchun xizmat qildi. 

Tadbir yakunida faol ishtirok etgan trenerlarga tashakkurnoma topshirildi.

O‘zbekiston xalqaro islom akademiyasi

Matbuot xizmati