Kredit-modul tizimi bo‘yicha seminar o‘tkazildi

O‘zbekiston xalqaro islom akademiyasida “Kredit-modul tizimini joriy etishdagi muammolar va ularni hal etish yo‘llari” mavzusida seminar-trening tashkil etildi. Unda Akademiya professor-o‘qituvchilari ishtirok etdi. 

Seminar Toshkent davlat iqtisodiyot universiteti Akademik faoliyat va registrator boshqarmasi boshlig‘i M.Sultanov tomonidan o‘tkazildi. 

Muloqot davomida yurtimizda oliy ta’lim sohasini rivojlantirish bo‘yicha qabul qilingan me’yoriy hujjatlar, o‘quv jarayonini kredit-modul tizimi asosida tashkil etishning uslubiy ta’minoti xususida tinglovchilarga atroflicha ma’lumot berildi.

Davra suhbati yakunida yig‘ilganlar mavzu bo‘yicha o‘zlarining savollari, taklif va mulohazalarini bildirishdi.

O‘zbekiston xalqaro islom akademiyasi 

Matbuot xizmati