O‘zbekiston xalqaro islomshunoslik akademiyasi moliya va iqtisod ishlari bo‘yicha prorektori lavozim vazifalari:

• O‘zbekiston Respublikasi qonunlari, Prezident farmonlari, qarorlari va farmoyishlari, Oliy Majlis va Vazirlar Mahkamasining ta'lim va kadrlar tayyorlash sohasidagi qarorlarini amalga oshirishni tashkil etish;
• O‘zbekiston Respublikasi Oliy va o‘rta maxsus ta'lim vazirligining Hay'at qarorlari, buyruqlari, topshiriqlari, farmoyishlari va ko‘rsatmalarini, ma'naviyat-ma'rifat va yoshlarning tarbiyaviy jarayonlariga oid masalalar bo‘yicha akademiya Kengashi qarorlari va rektor buyruqlarinining ijrosini tashkil qilish;
• Mutasaddi yuqori tashkilotlarning buyruqlarini, farmoyishlari va ko‘rsatmalarini, o‘quv-tarbiya jarayonlariga oid masalalar bo‘yicha akademiya Kengashi qarorlari va rektor buyruqlarining bajarilishini tashkil qilish;
• O‘quv-tarbiya jarayonida o‘qitishning ilg‘or shakllarini, shu jumladan masofadan turib o‘qitishning moddiy-texnika bazasini mustahkamlash, yangi axborot-kommunikasiya texnologiyalarini joriy etish;
• Moliya va iqtisod hamda texnik foydalanish yo‘nalishi bo‘yicha takliflar tayyorlash va ishlarni tashkil etish;
• Buysinuvidagi bo‘limlar ish rejalarini tasdiqlash va ularning bajarilishini nazorat qilish;
• O‘zbekiston xalqaro islomshunoslik akademiyasi va uning huzuridagi barcha tashkilotlarning yillik moliyaviy xarajatlari smetalarini tuzish va tasdiqlanish jarayonlarini boshqarish;
• Akademiya va uning huzuridagi tashkilotlarning byudjetdan tashqari mablag‘larini ko‘paytirish chora-tadbirlarini ishlab chiqish;
• Professor-o‘qituvchilar va xodimlar shtatlari bo‘yicha takliflarni ishlab chiqish;
• Akademiya professor-o‘qituvchi va xodimlari oylik ish haqlari hamda talabalar stipendiyasini o‘z vaqtida to‘lanishini nazorat qilish;
• O‘quv xonalaridan unumli foydalanish, auditoriya va laboratoriyalarni texnik jihozlashni takomillashtirish masalalarini ishlab chiqish;
• Ushbu prorektor bo‘ysinuvidagi mehnat va ijro intizomini buzgan xodimlarga nisbatan chora ko‘rish, ular bilan mehnat shartnomasini bekor qilish bo‘yicha takliflar tayyorlash;
• O‘ziga biriktirilgan tovar-moddiy boyliklaridan foydalanish va ularning butligini ta'minlashga to‘liq moddiy javobgar shaxs hisoblanadi. 
Rektor tomonidan ushbu lavozim vazifalaridan tashqari boshqa funksiya va majburiyatlar yuklatilishi mumkin.