Xalqaro hamkorlik bo‘yicha prorektor lavozim vazifalari:

– O‘zbekiston Respublikasi qonunlari, Prezident farmonlari va farmoyishlari, Oliy Majlis va Vazirlar Mahkamasining ta’lim va kadrlar tayyorlash sohasidagi qarorlarini hamda Mutasaddi yuqori tashkilotlarning buyruqlarini amalga oshirishni tashkil etish;

– O‘zbekiston Respublikasi Oliy ta’lim, fan va innovatsiyalar vazirligining Hay’at qarorlari, buyruqlari, topshiriqlari, farmoyishlari va ko‘rsatmalarini, halqaro hamkorlik jarayonlariga oid masalalar bo‘yicha akademiya Kengashi qarorlari va rektor buyruqlari ijrosini tashkil qilish;

– Mamlakatimizda faoliyat olib borayotgan va xorijiy oliy diniy ta’lim muassasalari hamda boshqa tashkilotlar bilan hamkorlikni tashkil qilish;

– Malakali хorijiy mutaxassislarni ta’lim jarayoniga jalb qilish, shuningdek, akademiya mutaxassislarini nufuzli xorijiy oliy diniy ta’lim va ilmiy tadqiqot muassasalariga malaka oshirish hamda tajriba orttirish uchun yuborish, talabalarning akademik almashinuvini joriy etish;

– O‘quv ishlar bo‘yicha prorektori bilan hamkorlikda ta’lim mazmunini takomillashtirish, mutaxassis-kadrlarni xalqaro talablar asosida tayyorlashni ta’minlash maqsadida xorij mamlakatlarning turdosh oliy ta’lim muassasalari bilan hamkorlikda fakultet, kafedralar tashkil etish bo‘yicha takliflar tayyorlash;

– Xorijiy aloqalarga doir masalalarni hal qilish maqsadida chet el vakillari va O‘zbekiston Respublikasi vazirliklari va idoralari bilan to‘g‘ridan-to‘g‘ri muloqot olib borish;

– Ilmiy ishlar va innovatsiyalar bo‘yicha prorektori bilan hamkorlikda islom olamida yuzaga kelayotgan dolzarb masalalar, zamonaviy-siyosiy jarayonlarga oid xalqaro miqyosdagi ilmiy-amaliy konferensiyalar o‘tkazish;

– Akademiyada o‘tkaziladigan xalqaro ilmiy konferensiya, seminar va simpoziumlar monitoringini amalga oshirish va ularda mutaxassis olimlarning ishtirok etishi bo‘yicha chora-tadbirlarni muvofiqlashtirish;

– Xalqaro hamkorlik bo‘limi va talabalar (xorijiy) bilan ishlash bo‘limi faoliyatini muvofiqlashtirish va rahbarlik qilish;

– Akademiyaning fakultet, kafedra va bo‘limlari xorijiy ta’lim muassasalari va xalqaro tadqiqot markazlari bilan hamkorlik aloqalari o‘rnatishida yordam berish va muvofiqlashtirish;

– Xorijiy muassasalar, vakolatxonalarning homiylik va grant ajratmalari yordamida akademiya o‘quv bazasini chet tilidagi o‘quv, ilmiy adabiyotlar va texnik vositalar bilan jihozlash bo‘yicha takliflar kiritish;

– Xorijga yuboriladigan o‘qituvchi, xodim va talabalarning nomzodlarini tegishli prorektorlar bilan hamkorlikda taklif ishlab chiqish va rektor tasdig‘iga havola etish;

– Xorijdan keladigan rasmiy delegatsiyalarning tashrif dasturlarini ishlab chiqish va ularning ijrosini ta’minlash;

– Akademiyaga homiylik yordami ko‘rsatish istagini bildiradigan xalqaro tashkilotlar va xorijiy hamkorlar bilan muloqotlarni amalga oshirish;

– Akademiya professor-o‘qituvchi, xodim va talabalarining xorijiy safarlari bilan bog‘liq masalalar belgilangan tartibda amalga oshirilishini ta’minlash;