O‘zbekiston Milliy universitetida “Jaholatga qarshi ma’rifat” mavzusida davra suhbati bo‘lib o‘tdi

O‘zbekiston Milliy universiteti Ijtimoiy fanlar fakultetida “Jaholatga qarshi ma’rifat” mavzusida ma’naviy-ma’rifiy davra suhbati tashkil etildi.

Tadbirning asosiy maqsadi yoshlar ongida sog‘lom dunyoqarashni shakllantirish, diniy ekstremizm, radikalizm va jaholat kabi illatlarga qarshi ma’rifat vositasida kurashishdan iborat bo‘ldi.

Uchrashuvda O‘zbekiston xalqaro islomshunoslik akademiyasi dekani Farhod Karimov, universitet rektori maslahatchisi Jahongir Jabborov hamda Yoshlar bilan ishlash, ma’naviyat va ma’rifat bo‘limi boshlig‘i Miralisher Hasanov ishtirok etdilar.

Tadbir davomida so‘zga chiqqan mutaxassislar yoshlarning ijtimoiy faolligini oshirish, ularni turli zararli g‘oyalardan asrash va milliy qadriyatlarimizga sodiq, bilimli hamda vatanparvar avlod sifatida tarbiyalash zarurligini ta’kidladilar.