17 yoshli o‘zbek shaxmatchisi jahon chempioni bo‘ldi

Polshaning Varshava shahrida shaxmatning rapid va blits yo‘nalishi bo‘yicha jahon chempionati o‘tkazildi. Quvonarlisi, 17 yoshli hamyurtimiz Nodirbek Abdusattorov mazkur yo‘nalishda jahon chempioni bo‘lgan eng yosh shaxmatchi sifatida tarixdan o‘rin oldi.

Musobaqa davomida Nodirbek Abdusattorov amaldagi jahon chempioni norvegiyalik Magnus Karlsen hamda hal qiluvchi bahsda rossiyalik vitse-chempion Yan Nepomnyashiyni mag‘lubiyatga uchratgani e’tiborga molik. 

Shu munosabat bilan O‘zbekiston xalqaro islom akademiyasi Nodirbek Abdusattorovni mazkur yutug‘i bilan muborakbod etadi. Unga tan-sihatlik, xalqaro maydonlarda O‘zbekiston bayrog‘ini baland ko‘tarib yurishdek sharafli vazifasiga omad tilaydi.

O‘zbekiston xalqaro islom akademiyasi

Matbuot xizmati