Konstitutsiya – baxtimiz qomusi

Farovon hayotimizning muhim kafolati hamda mustahkam huquqiy poydevori bo‘lgan O‘zbekiston Respublikasi Konstitutsiyasi qabul qilinganligining yigirma to‘qqiz yilligi bayrami respublikamiz bo‘ylab ko‘tarinki kayfiyatda nishonlanmoqda.

Ana shunday tadbirlardan biri Shayxontohur tumanidagi 180-umumta’lim maktabida tashkil etildi. “Konstitutsiya – baxtimiz qomusi” mavzusida o‘tkazilgan davra suhbatida O‘zbekiston xalqaro islom akademiyasi kafedra mudiri, tarix fanlari doktori Ne’matullo Muxamedov, umumta’lim maktab o‘qituvchilari hamda o‘quvchilari ishtirok etdi.

Davra suhbatida davomida Ne’matullo Muxamedov o‘quvchilarga o‘zlarining konstitutsiyaviy huquqlari va burchlari to‘g‘risida qiziqarli misollar bilan ma’ruza qildi. Turli davlatlar konstitutsiyalari haqida gapirib, ularda inson huquqlari va aynan bola huquqlari qay darajada ekanini misollar yordamida tushuntirib berdi.

Tadbir yakunida o‘quvchilar ishtirokida savol-javob o‘tkazilib, mavzu bo‘yicha egallangan bilimlar yanada mustahkamlandi.

O‘zbekiston xalqaro islom akademiyasi

Matbuot xizmati