3-dekabr – Xalqaro nogironlar kuni munosabati bilan saxovat rastasi tashkil etildi

BMT tashkiloti tomonidan 3-dekabr – Xalqaro nogironlar kuni, deb e’lon qilingan. Ushbu sana butun dunyo bo‘ylab keng nishonlanadi va bundan asosiy maqsad aqlan va jismonan nuqsoni bor zamondoshlarimizni har tomonlama qo‘llab-quvvatlashdan iboratdir.

Sana munosabati bilan joylarda turli ma’naviy-ma’rifiy tadbirlar, uchrashuvlar o‘tkazilmoqda. Jumladan, O‘zbekiston xalqaro islom akademiyasining Chet tillari kafedrasi tomonidan o‘tkazilgan tadbirda ham shu haqda so‘z bordi.

Kafedra dotsenti N.Djumayeva va katta o‘qituvchi S.Djalalovalar Dinsotsiopsixologiyasi ta’lim yo‘nalishi 1-bosqich talabalari bilan birgalikda 3-Dekabr — “Xalqaro nogironlar kuni” munosabati bilan saxovat rastasini tashkil etishdi.

Talabalar tomonidan tayyorlagan pazandachilik mahsulotlari tadbirda namoyish etildi.