Arab tili bilimdonlari o‘zaro bellashdi

Bugun O‘zbekiston xalqaro islom akademiyasida “Arab tili va adabiyoti al-Azhar” kafedrasi tashabbusi bilan har yili an’anaviy tarzda o‘tkazib kelinadigan “Arab tili bilimdoni” tanlovi bo‘lib o‘tdi.

Musobaqaning saralash bosqichida Akademiya fakultetlaridan 18 jamoa ishtirok etib, savol-javobdan so‘ng asosiy bosqichga 5 jamoa yo‘llanma oldi. Mazkur bosqichda “Tullabu-l-akademiya” (Akademiya talabalari), “Alif”, “Nujumu-l-islam” (Islom yulduzlari), “Safinatu-l-ulum” (Ilm kemasi), “Javhar” jamoalari o‘zaro bellashdi. Tanlovda jamoalar dastlab Tanishtiruv, “Kahoot!”, “Qisqa metrajli film” va “So‘z yasash” shartlari bo‘yicha bahsga kirishishdi.

Hakamlar hay’atining yakuniy xulosasiga ko‘ra, 3-o‘rinni Islomshunoslik fakulteti 3-bosqich talabalarining “Islom yulduzlari”, 2-o‘rinni Islomshunoslik fakulteti 3-bosqich talabalarining “Ilm kemasi” jamoasi, 1-o‘rinni esa Sharq filologiyasi fakulteti 3-bosqich talabalarining “Alif” jamoasi qo‘lga kiritdi.

Yakunda g‘olib va sovrindorlarga esdalik sovg‘alari topshirildi.

O‘zbekiston xalqaro islom akademiyasi

Matbuot xizmati