Akademiyada “Kuzgi psixologik maktab” tadbirlari yakunlandi

Xabaringiz bor, O‘zbekiston xalqaro islomshunoslik akademiyasida “Kuzgi psixologik maktab” tadbirlari o‘tkazilayotgan edi.

Uch kun davom etgan tadbirlarda soha mutaxassislari, professor-o‘qituvchilar tomonidan seminar-treninglar, amaliy mashg‘ulotlar, ma’ruza darslari olib borildi. Bu orqali boʻlajak psixologlar oʻz bilim, koʻnikma va malakalarini yanada rivojlantirib, psixologik kompetentliklarini oshirdilar.

Bugun ushbu tadbirlarning yakuniga bag‘ishlangan davra suhbati bo‘lib o‘tdi. 

Unda Akademiya talabalari “Treningda tranzakt tahlil usullaridan foydalanish” hamda “Geshtalt terapiyadan foydalangan holda trening mashg‘ulotlari tashkil etish” kabi mavzularda seminar o‘tkazishdi.

Yakunda ishtirokchilar taqdirlandi.