Akademiya boshlang‘ich tashkiloti yo‘nalish va fakultet koordinatorlari saylovi o‘tkazildi

O‘zbekiston xalqaro islom akademiyasida Akademiya boshlang‘ich tashkiloti yo‘nalish va fakultet koordinatorlari saylovi bo‘lib o‘tdi.

Mazkur tadbirda Yoshlar masalalari, ma’naviy-ma’rifiy ishlar bo‘yicha birinchi prorektor Ilyos Mirziyotov, Islomshunoslik fakulteti dekani Jahongir Tohirov, Islom iqtisodiyoti va xalqaro munosabatlar fakulteti dekani Habibullo Sadibaqosev hamda talabalar ishtirok etdi. 

Saylov jarayonlaridan avval Akademiya prorektori Ilyos Mirziyotov so‘z olib, barcha nomzodlarga omad tiladi. Koordinatorlar zimmasidagi maqsad va vazifalariga to‘xtalib o‘tdi.

Shundan so‘ng Yoshlar ittifoqi Akademiya Boshlang‘ich tashkiloti yetakchisi Abduvahob To‘xtanazarovning tashkilot faoliyati, istiqboldagi rejalari haqidagi hisoboti tinglandi. Shuningdek, yo‘nalishlar hamda fakultet koordinatorlari uchun bo‘lib o‘tadigan saylov jarayonlari to‘g‘risida ma’lumot berib o‘tdi.

Saylov davomida “Intellektual loyihalar koordinatori”, “Besh tashabbus loyihalari koordinatori”, “Harbiy-vatanparvarlik loyihalari koordinatori”, “Tadbirkorlik va innovatsion loyihalari koordinatori”, “Yoshlar daftari” va metsenatlik dasturlari koordinatori”, “Talaba qizlar koordinatori”, “Islomshunoslik fakulteti koordinatori”, “Islom iqtisodiyoti va xalqaro munosabatlar fakulteti koordinatori”, “Mumtoz sharq filologiyasi fakulteti koordinatori”, “Kechki va sirtqi yo‘nalishlar koordinatori”, “Talabalar turar joyi koordinatori” lavozimlariga berilgan jami 45 ta nomzod o‘z saylovoldi dasturlari bilan chiqishlari bilan ishtirok etdi. 

Koordinatorlar so‘zga chiqib, loyiha va maqsadlari haqida ma’lumot berishdi. Taklif va tavsiyalari tinglandi.

Ochiq ovoz berish yo‘li bilan tashkil etilgan saylovda eng yuqori natijalarni qayd etgan nomzodlar Akademiya Boshlang‘ich tashkiloti yo‘nalishlari bo‘yicha koordinator sifatida saylandi. 

Tadbir yakunida Akademiya prorektori Ilyos Mirziyotov barcha koordinatorlarni tabriklab, talabalarni yanada faol bo‘lishga chaqirdi.