Akademiyada malaka oshirish o’quv kurslari davom etmoqda

Xabaringiz bor, O‘zbekiston xalqaro islom akademiyasi Malaka oshirish markazida “Xotin-qizlar o’rtasida ijtimoiy-ma’naviy muhitni sog’lomlashtirishning dolzarb masalalari” mavzusida malaka oshirish o’quv kurslari bo‘lib o‘tmoqda.

Oliy Majlis Senati, Oila va xotin-qizlar qo‘mitasi, Din ishlari boyicha qo‘mita hamda O’zbekiston xalqaro islom akademiyasi hamkorligida tashkil etilayotgan seminarlarda tinglovchilar soha mutaxassislaridan turli mavzulardagi ma’ruzalarni tinglashmoqda.

Bugun o‘tkazilgan o‘quvlar davomida “Milliy qonunchilikda diniy faoliyatni tartibga soluvchi huquqiy-me’yoriy hujjatlar mazmun-mohiyati”, “Din bilan bog‘liq; geosiyosiy jarayonlar tahdidi: kecha va bugun”, “Internet tarmog‘ida tarqatilayotgan yot g‘oyalarning tahdidi: muammo va yechimlar” hamda “Jamoani boshqarish (maxsus trening)” kabi mavzularda ma’ruzalar tinglandi.

Mazkur o‘quv mashg‘ulotlarini tashkil etishdan maqsad Qo‘mita faoliyatini rivojlantirish, tizimda ishni to‘g‘ri va samarali tashkil etish, joylarda xotin-qizlar sohasidagi muammolarni yechish va ularni har tomonlama qo‘llab-quvvatlash yuzasidan tayinlangan mas’ul xodimlarning ko‘nikma va malakalarini oshirish maqsadi ko’zlangan.

Eslatib o‘tamiz, malaka oshirish o‘quv kurslari 27-yanvargacha davom etadi.