Talabalar teatrga tashrif buyurdi

Inson maʼnaviy olamini yuksaltirishda, ong va tafakkurini teranlashtirishda teatr sanʼatining oʻrni beqiyos. Zero, sanʼat odamlarni ezgulikka chorlaydi, yaxshilikka undaydi, eng goʻzal his-tuygʻularni inʼom etadi. Teatr shunchaki oddiy tomoshaxona emas, balki tarbiya, madaniyat, maʼnaviyat va maʼrifat maskanidir.

Shu maqsadda O‘zbekiston xalqaro islom akademiyasi Islomshunoslik fakulteti 1-bosqich talabalari fakultet tyutori Yoqubjon Bazarov hamrohligida Oʻzbek milliy akademik drama teatrida namoyish etiladigan “Oʻzbekcha raqs” nomli spektaklga tashrif buyurdilar.

“O‘zbekcha raqs” asari muallif Nurilla Abbosxon qalamiga mansub bo‘lib, spektakl oʻzbek yigitini yaxshi koʻrib qolgan rus qizini taqdiri haqida boʻlib, turmush oʻrtogʻini, qaynonasini mehribonchiliklari bilan qiyinchiliklarni bosib oʻtib, oʻzbek urf-odatlarini oʻrganib oʻzbek ayoliga aylanadi. Spektaklda umuminsoniy gʻoyalar ulugʻlangan.

Asar talabalarga manzur bo‘ldi.