Akademik litsey o‘quvchilari muvaffaqiyat qozonmoqda

Oʻzbekiston xalqaro islom akademiyasi akademik litseyining 2-bosqich oʻquvchisi Husniddin Nuriddinov Malayziyadagi Xiamen universitetiga 100 foizlik grantni qoʻlga kiritib, muddatidan avval oʻqishga qabul qilindi.

Maʼlumot oʻrnida aytish mumkinki, mazkur universitet Xitoy va Malayziya hamkorligida ochilgan janubiy-sharqiy Osiyoning nufuzli oliygohi hisoblanadi.

Mazkur ta'lim muassasasi QS World University Rankings reytingida 392-o‘rinda qayd etilgan.

Shuningdek, Akademik litseyning yana bir o‘quvchisi Shahrizoda Raimova sportning kikboksing turi boʻyicha Oʻzbekiston kubogi musobaqasida muvaffaqiyatli ishtirok etdi.

Fargʻona shahrida oʻtkazilgan musobaqada Shahrizoda Raimova 60 kilogramm vazn toifasida 1-oʻrinni egalladi.