Talabalar o‘rtasida “Zakovat” tanlovi o‘tkazildi

O‘zbekiston xalqaro islom akademiyasida “Xalqaro munosabatlar va ijtimoiy fanlar” kafedrasi tomonidan “Zakovat” tanlovi o‘tkazildi.

O‘zbekiston Respublikasining Konstitutsiyasi qabul qilinganining 31 yilligi munosabati tashkil etilgan tadbirda talabalar 20 ta jamoaga bo‘lingan holda o‘z bilimlarini sinovdan o‘tkazishdi.

Ikki raunddan iborat qizgʻin kechgan tanlovda gʻolib va sovrindor jamoalar qoʻshimcha raundlar natijasida aniqlandi. 

Tadbir talabalar o‘rtasida o‘zaro bilim almashish, yoshlarning o‘z konstitutsiyaviy huquqlarini yaxshi tushunib yetishlari, faolligini oshirish hamda mustaqil fikrlashga o‘rgatishga xizmat qildi.

Musobaqa natijlariga koʻra, Xalqaro munosabatlar 4-kurs talabalaridan iborat Zufar Bektemirov jamoasi gʻolib deb topildi. Yurisprudensiya (islom huquqi) 1-kurs talaba-qizlaridan iborat jamoa 2-oʻrinni egalladi.

Tanlov yakunida g‘olib va sovrindorlar taqdirlandi.

O‘zbekiston xalqaro islom akademiyasi

Matbuot xizmati