Islom olamining yirik olimi bilan uchrashuv

Mir Arab oliy madrasasining 500 yilligi munosabati bilan o‘tkazilgan xalqaro anjumanda ishtirok etish uchun yurtimizga kelgan Musulmon ulamolari xalqaro uyushmasi Bosh kotibi, professor Ali Qoradog‘iy Akademiyaga tashrif buyurdi.

Uchrashuvda Akademiya rektori Uyg‘un G‘afurov, Akademiya prorektorlari, doktorant va talabalar ishtirok etdi. 

Muloqotni Akademiya rektori ochib berdi va hurmatli mehmonni Akademiyada koʻrib turganidan mamnunligini bildirdi.

Uchrashuvda Ali Qoradog‘iy islom dini ezgulik dini ekanini, bu dinning asl mohiyati haqida so‘z yuritdi. O‘zbek zamini azaldan buyuk olimlar, muhaddislar, islom dinining yirik olim-u fuzalolari kamol topgan zamin ekanini, bugungi yoshlar ajdodlariga munosib voris bo‘lishlari kerakligini ta’kidladi.

Yakunda ishtirokchilar o‘zlarini qiziqtirgan savollar bilan murojaat qilishdi.

O‘zbekiston xalqaro islom akademiyasi

Matbuot xizmati