Abdulla Qodiriy uy-muzeyi hamda ijod maktabiga sayohat

O‘zbekiston xalqaro islom akademiyasi “Axborot xavfsizligini boshqarish” yo‘nalishi magistrlari Abdulla Qodiriy uy-muzeyi hamda Abdulla Qodiriy ijod maktabiga sayohat qilishdi.

Millat ravnaqi, yurt ozodligi yo‘lida jonini fido qilgan ajdodlarimizning porloq xotirasini yosh avlod qalbiga singdirish, ularda vatanga bo‘lgan muhabbat va sadoqat, ajdodlarimizning ma’naviy merosi bilan faxrlanish tuyg‘ularini yuksaltirish maqsadida tashkil etilgan sayohat davomida talabalar o‘zlari uchun kerakli bo‘lgan foydali bilimlarga ega bo‘lishdi.

Ekskursiya davomida talabalarga atoqli o‘zbek yozuvchisi Abdulla Qodiriy hayoti va ijodi, uning milliy adabiyotimizga bo‘lgan katta ta’siri haqida ma’lumot berildi.

O‘zbekiston xalqaro islom akademiyasi

Matbuot xizmati